इंदापूर:
याबाबत सविस्तर माहिती अशी की दिनांक २४/०५/२०२४ रोजी ११: १० वा. चे सुमारास श्री.श्रीकांत पाटिल, तहसीलदार, इंदापुर ता.इंदापुर जि. पुणे हे तहसील कार्यालय येथे त्यांचे ड्युटीवर शासकीय वाहन कमांक एम एच ४२ ऐ एक्स १६६१ या मधुन वाहन चालक मल्हारी मखरे यांच्यासह जुना सोलापुर पुणे हायवे रोडवरून शंभर फुटी रोडकडे संविधान चौकातुन जात असताना समर्थ स्टुल्स् इंदापुर ता. इंदापुर जि. पुणे येथे अचानक काही इसमांनी पांढ-या रंगाची विना नंबरची काळया काचा असलेली स्कार्पीओ गाडी रोडला आडवी लावुन श्रीकांत पाटिल हे तहसिल ऑफिस येथे जात असताना सरकारी कामामध्ये अडथळा निर्माण करून त्यांचे हातातील लोखंडी रॉडने व लाल मिर्ची पावडर डोळयावर टाकुन वाहनाच्या सर्व काचा फोडुन जिवे ठार मारण्याचा कट रचुन प्रयत्न केल्याने इंदापुर पोलीस स्टेशन गुन्हा रजि. नंबर ४५४/२०२४ भा.दं.वि.कायदा कलम ३०७,३५३,३४१,४२७,५०४,५०६,१४३,
सदर गुन्हयाचा तपास सर्वश्री डॉ. पंकज देशमुख , पोलीस अधिक्षक पुणे ग्रामीण, संजय जाधव ,अप्पर पोलीस अधिक्षक बारामती विभाग, डॉ. सुदर्शन राठोड उपविभागिय पोलीस अधिकारी, बारामती विभाग, पोलीस निरीक्षक एस.डी. कोकणे सो इंदापुर पोलीस ठाणे यांचे मार्गदर्शनाखाली सपोनि राजकुमार बुणगे हे करत आहेत.
डॉ. सुदर्शन राठोड , उपविभागिय पोलीस अधिकारी, बारामती विभाग, पोलीस निरीक्षक एस. डी. कोकणे, इंदापुर पोलीस ठाणे यांनी तात्काळ इंदापुर पोलीस ठाणेस नेमणुकीस असलेले सपोनि डुणगे, सपोनि राऊत, सपोनि पवार, पोसई राळेभात, सहा फौज. प्रकाश माने, पो हवा. काशीनाथ नागराळे, लखन साळवे, विनोद रासकर, अमित यादव, सचिन बोराटे, पो.ना.विष्णु केमदारणे, सलमान खान, पो.शि.विशाल चौधर, गणेश ढेरे, सुहास शेळके, विनोद काळे, लक्ष्मण सुर्यवंशी यांची वेगवेगळी पथके नेमुण सदर गुन्हयातील आरोपी १) पिन्या उर्फ प्रदिप कल्याण बागल २) तेजस अनिल विर ३) माउली उर्फ शुभम महादेव भोसेकर तिघे रा. भाटनिमगाव ता. इंदापुर जि. पुणे. यांना तात्काळ अटक केलेली आहे.